Հյուսիս–հարավ ճանապարհային միջանցքի Սիսիան-Քաջարան ճանապարհի հարավային հատվածի (24կմ) կառուցման շինարարական աշխատանքների ձեռքբերման նպատակով հայտարարված միջազգային բաց մրցույթի շրջանակում շինաշխատանքներով հետաքրքրված կազմակերպությունների ներկայացուցիչները «Ճանապարհային դեպարտամենտ» հիմնադրամի աշխատակիցների ուղեկցությամբ այցելել են Սյունիքի մարզ։

 

Այցի ընթացքում նրանք եղել են այն տարածքներում, որտեղ նախատեսվում է իրականացնել Սիսիան-Քաջարան ճանապարհի հարավային հատվածի շինարարությունը, ծանոթացել են տեղանքի առանձնահատկություններին, ռելիեֆին և ճանապարհի նախագծային լուծումներին։

 

Դաշտային այցից հետո ճանապարհաշինությամբ հետաքրքրված կազմակերպությունների ներկայացուցիչները հանդիպել են Ճանապարհային դեպարտամենտի պատասխանատուների հետ, ներկայացրել իրենց հետաքրքրող հարցերն ու առաջարկները։

 

Հիշեցնենք, որ Սիսիան-Քաջարան ճանապարհի Հարավային՝ 24կմ երկարությամբ հատվածի կառուցումն իրականացվելու է Վերակառուցման և զարգացման եվրոպական բանկի (EBRD), Եվրոպական ներդրումային բանկի (EIB) և Հայաստանի Հանրապետության կառավարության համաֆինանսավորմամբ։