Ձմեռային սպասարկումը՝ Թալին-Լանջիկ և Լանջիկ-Գյումրի ճանապարհահատվածներում
Հյուսիս-հարավ ճանապարհային միջանցքի Տրանշ-3-ում՝ Թալին-Լանջիկ և Լանջիկ-Գյումրի հատվածներում‚ ձմեռային սպասարկման աշխատանքներ է կատարում չինական «Սինոհիդրո Քորփորեյշն» ընկերությունը։ Կազմակերպության ներկայացուցիչ Աշոտ Ռևազյանը տեղեկացնում է‚ որ ընկերությունը կուտակել է անհրաժեշտ քանակությամբ տեխնիկական աղ‚ ավազ։ Անցած 2 տարիներին ձմռանն օգտագործվել է մոտ 200 տոննա աղ և ազավ։ Ներկա պահին ընկերությունն ամբարել է մոտ 100 տոննա‚ անհրաժեշտ մյուս քանակությունը ձեռք է բերվում ընթացքում։
Պարոն Ռևազյանը նշում է‚ որ «Սինոհիդրո Քորփորեյշնի» ներկայացուցիչները 24-ժամյա հերթապահություն են իրականացնում‚ ունեն ձմեռային սպասարկումն ապահովող անհրաժեշտ տեխնիկա-սարքավորումներ։ Նա նաև տեղեկացնում է‚ որ մշտական կապի մեջ են ՀՀ արտակարգ իրավիճակների նախարարության հետ. նախապես տեղեկանում են եղանակային պայմանների‚ սպասվող տեղումների մասին և նախապես պատրաստվում ձնամաքրման ու ճանապարհի մշակման աշխատանքներին։
Թալին-Լանջիկ և Լանջիկ-Գյումրի հատվածները ձմեռային սպասարկման տեսակետից բավականին բարդ տարածքներ են. ձմեռը խստաշունչ է‚ բուքը հաճախակի է այստեղ‚ քամին ձյունը սարերից բերում-փակում է ճանապարհի երթևեկելի մասը‚ ինչը բարդացնում է ձմեռային սպասարկման իրականացումը։
Վերջին նորությունները
Հայտարարվել է ուղեանցի հիմնանորոգման աշխատանքների ձեռքբերման մրցույթ
16-10-2026Հայտերն ընդունվում են մինչև հոկտեմբերի 23-ը՝ ժամը 16։00։
Կարդալ ավելինՀիմնանորոգվում է Լուկաշին-Նորավան-Արմավիր 4.2կմ ճանապարհը
16-10-2026Մոտ 4.2կմ երկարությամբ ճանապարհի նորոգումը մեծ հնարավորություններ է ստեղծում գյուղատնտեսությամբ զբաղվող գյուղացիների համար։
Կարդալ ավելինՔննարկվել են Հյուսիս-հարավի Արտաշատ-Սիսիան ճանապարհահատվածի իրագործելիության ուսումնասիրության և ծրագրի իրականացման ռազմավարությանն առնչվող հարցեր
14-10-2026Ըստ նախանական նախագծի՝ նախատեսվում է, որ Արտաշատ-Սիսիան ճանապարհահատվածն ունենալու է 161.5կմ երկարություն, այդ թվում՝ 59 կամուրջ՝ 13.2կմ ընդհանուր երկարությամբ, 9 թունել՝ 12.4կմ ընդհանուր երկարությամբ, 22 տրանսպորտային հանգույց։
Կարդալ ավելին