Նույն օրը Սեմյոնովկա բնակավայրում տեղի ունեցած հանրային քննարկմանը մասնակցում էին ինչպես գյուղի բնակիչներ, այնպես էլ Գեղարքունիքի մարզպետարանի և Սևանի համայնքապետարանի աշխատակիցներ։ Ծրագրի ներկայացումից հետո այստեղ ևս տեղի է ունեցել շահագրգիռ քննարկում։ Սեմյոնովկայի բնակիչները բարձրացրել են մի շարք հարցեր, որոնք վերաբերում էին շինարարության ժամանակ հանույթի տեղադրման համար նախատեսված տարածքներին, շինարարության շրջանակներում տեղի բնակչության ներգրավման հնարավորությանը և այլ թեմաների։