Հանրային իրազեկման հանդիպումներ՝ Թումանյանում և Ալավերդիում
25-06-2026
Թումանյան և Ալավերդի համայնքներում կայացել են հանրային իրազեկման հանդիպումներ, որոնք կազմակերպվել են Մ-6, Վանաձոր-Ալավերդի-ՀՀ սահման միջպետական նշանակության ավտոճանապարհի՝ ջրհեղեղից վնասված հատվածների վերականգնման և արդիականացման ծրագրի շրջանակներում։ Հանրային իրազեկումն առնչվում էր ծրագրի իրականացման ընթացքում հողերի օտարման և տարաբնակեցման թեմային։ Մասնակցում էին տեղի և հարակից բնակավայրերի բնակիչներ, համայնքապետարանների ներկայացուցիչներ։
«Ճանապարհային դեպարտամենտ» հիմնադրամի բնապահպանական, սոցիալական ազդեցությունների և վերաբնակեցման կառավարման բաժնի պետ Շուշան Քոչարյանը ներկաներին ծանոթացրել է բոլոր այն գործընթացներին, որոնց հետ առնչվելու են ազդակիր անձինք հողերի օտարման և տարաբնակեցման ծրագրի շրջանակներում։ Ներկայացվել են ազդեցության ենթակա անձանց իրավունքները, փոխհատուցման կարգը, բողոքների ընդունման և լուծման գործընթացը, ինչպես նաև ծրագրին վերաբերող բազմաթիվ այլ հարցեր։
Հանդիպման ընթացքում բնակիչները բարձրացրել են իրենց հուզող խնդիրները՝ ստանալով սպառիչ պատասխաններ։
Վերջին նորությունները
Հայտարարվել է ուղեանցի հիմնանորոգման աշխատանքների ձեռքբերման մրցույթ
16-10-2026Հայտերն ընդունվում են մինչև հոկտեմբերի 23-ը՝ ժամը 16։00։
Կարդալ ավելինՀիմնանորոգվում է Լուկաշին-Նորավան-Արմավիր 4.2կմ ճանապարհը
16-10-2026Մոտ 4.2կմ երկարությամբ ճանապարհի նորոգումը մեծ հնարավորություններ է ստեղծում գյուղատնտեսությամբ զբաղվող գյուղացիների համար։
Կարդալ ավելինՔննարկվել են Հյուսիս-հարավի Արտաշատ-Սիսիան ճանապարհահատվածի իրագործելիության ուսումնասիրության և ծրագրի իրականացման ռազմավարությանն առնչվող հարցեր
14-10-2026Ըստ նախանական նախագծի՝ նախատեսվում է, որ Արտաշատ-Սիսիան ճանապարհահատվածն ունենալու է 161.5կմ երկարություն, այդ թվում՝ 59 կամուրջ՝ 13.2կմ ընդհանուր երկարությամբ, 9 թունել՝ 12.4կմ ընդհանուր երկարությամբ, 22 տրանսպորտային հանգույց։
Կարդալ ավելին