«Ճանապարհային դեպարտամենտ» հիմնադրամի լաբորատորիան «Ավտոմոբիլային ճանապարհների ցանցի հսկողություն՝ ուսումնասիրություններ և փորձաքննություններ» ծրագրի շրջանակում ՀՀ պետական նշանակության ավտոճանապարհների պետական կառավարման մարմնի և/կամ ճանապարհների վերականգնման, պահպանման պատասխանատու ստորաբաժանման առանձին հանձնարարականների դեպքում կատարում է լաբորատոր փորձարկումներ։

 

Ըստ այդմ, 2023 թվականի 2-րդ եռամսյակում 4 ճանապարհահատվածում հորատվել է 26 հանուկ և տեղափոխվել լաբորատոր հետազոտությունների, որոնց արդյունքում էլ որոշվել են տվյալ ճանապարհահատվածների ասֆալտբետոնե ծածկի որակական հատկանիշները։

 

Դեպարտամենտի լաբորատորիայի կողմից հաշվետու եռամսյակում կատարվել են շինարարական նյութերի հետազոտական աշխատանքներ (խճի, կոպճի, ավազի, բիտումի և հանքային փոշու)՝ 30 փորձարկում։

 

Լաբորատորիայի կողմից իրականացված գործողությունները նպաստել են ճանապարհաշինության ոլորտում օգտագործվող շինարարական նյութերի և պատրաստի արտադրանքի պահանջվող որակի ապահովմանը։

 

Փորձարկումների արդյունքների տրամադրվել են կապալառուներին, ինչպես նաև պահվում են «Ճանապարհային դեպարտամենտ» հիմնադրամի համապատասխան բաժնում։