2017թ. սեպտեմբերի 8-ին «Տրանսպորտային ծրագրերի իրականացման կազմակերպություն» ՊՈԱԿ-ում տեղի ունեցավ Մ-6 Վանաձոր-Ալավերդի-Վրաստանի սահման միջպետական ավտոճանապարհի կմ38+450-կմ90+191 հատվածի վերանորոգման/վերականգնման շինարարական աշխատանքների 3 չափաբաժնից բաղկացած Միջազգային Բաց Մրցակցային Ընտրություն ընթացակարգով մրցույթի ֆինանսական հայտերի հրապարակային բացումը:

Բացման գործընթացին ներկա էին ՀՀ տրանսպորտի, կապի և տեղեկատվական տեխնոլոգիաների նախարարության, «Տրանսպորտային ծրագրերի իրականացման կազմակերպություն» ՊՈԱԿ-ի, հայտատու կազմակերպությունների և Ասիական Զարգացման Բանկի ներկայացուցիչները:

Մրցույթն իրականացվում է Ասիական Զարգացման Բանկի գնումների ուղեցույցով սահմանված Մեկ փուլ- երկու ծրար Միջազգային Բաց Մրցակցային Ընտրություն ընթացակարգով: Ընթացակարգի պահանջներին համապատասխան բացվեցին այն հայտատուների ֆինանսական հայտերը, որոնց տեխնիկական հայտերը համապատասխանել էին մրցութային փաստաթղթերում սահմանված որակավորման չափանիշներին: Վերջինների գնահատմանը կհաջորդի 3 չափաբաժինների համար շինարարական պայմանագրերի շնորհումը: