Քննարկվել են Բագրատաշենի նոր կամրջի շինարարության ծրագիր հետ կապված հարցեր

13-12-2019

«Տրանսպորտային ծրագրերի իրականացման կազմակերպություն» ՊՈԱԿ-ում կայացել է հերթական աշխատանքային հանդիպումը Բագրատաշենի սահմանային հսկողության անցակետի նոր կամրջի նախագծման և շինարարական աշխատանքների կապալառու իրանական Tunnel Sadd Ariana ընկերության, կամրջի կառուցման տեխնիկական վերահսկողության ծառայություններ մատուցող կորեական Soo-sung Engineering Co., Ltd կազմակերպության ներկայացուցիչների հետ։

Soo-sung Engineering Co., Ltd-ի թիմի ղեկավար Յեոնգվի Լիին ներկայացրեց ծրագրի իրականացման առաջընթացը։ Նշենք‚ որ կապալառուն այժմ ավարտին է հասցնում Բագրատաշենի նոր կամրջի մանրամասն նախագիծը: Շինարարական աշխատանքները կմեկնարկեն  մանրամասն նախագծի համապատասխան հաստատումներից և փորձաքննություններից հետո:

Հանդիպման ընթացքում քննարկվեցին նաև Բագրատաշենի նոր կամրջի կառուցման շրջանակներում հողերի օտարման հետ կապված հարցեր։

Պայմանավորվածություն ձեռք բերվեց‚ որ առաջիկայում նախագծող և ինժեներական ծառայություններ մատուցող ընկերությունները կատարված և ընթացիկ աշխատանքների‚ կամրջի նախագծային լուծումների‚ ռիսկերի վերաբերյալ պատրաստեն ամփոփ պրեզենտացիա՝ այն շահագրգիռ կողմերին ներկայացնելու նպատակով։  

Հարկ է նշել, որ մանրամասն նախագծի և այլ հարցերով քննարկումները զուգահեռաբար տարվում են նաև վրացական կողմի հետ:

 

Վերջին նորությունները

Սահմանամերձ Այգեպարի փողոցները հիմնանորոգվել են

28-10-2020

Տավուշի մարզի Այգեպար սահմանամերձ գյուղական համայնքը փոխվել է՝ գեղեցիկ ասֆալտապատ փողոցներ, վերականգնվող տանիքներ։ «Տավուշի ՃՃՇ» ՓԲԸ-ն ՀՀ պետական բյուջեի միջոցներով Այգեպարում հիմնանորոգել է 2 կմ ընդհանուր երկարությամբ փողոցներ։

Կարդալ ավելին

Բացվել են տեխհսկողության ծառայությունների ձեռքբերման մրցույթին դիմած ընկերությունների տեխնիկական առաջարկները

27-10-2020

Ներկայացված 12 հետաքրքրվածության հայտերից կարճ ցուցակ են ընդգրկվել 8 ընկերություններ‚ որոնցից տեխնիկական և ֆինանսական առաջարկներ են ներկայացրել 4-ը։

Կարդալ ավելին