Հետևել են Արարատի մարզում ընթացող ճանապարհաշինական աշխատանքներին
02-07-2026
«Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը, Արարատի մարզպետ Սեդրակ Թևոնյանը, Արտաշատ համայնքի ղեկավար Կառլեն Մկրտչյանը, Վեդի համայնքի ղեկավար Գարիկ Սարգսյանը հետևել են Արարատի մարզում ՀՀ պետական բյուջեի միջոցներով ընթացող ճանապարհաշինական աշխատանքներին։
Առաջին կանգառը Բարձրաշեն-Նուբարաշեն մարզային նշանակության ավտոճանապարհին էր, որտեղ հիմնանորոգվում է 1.4կմ երկարությամբ հատվածը։ տեղադրվել է երկշերտ ասֆալտբետոնե ծածկ։ Նորոգվել է ճանապարհին առկա կամուրջը։ Այժմ ճանապարհը կահավորվում է, տեղադրվում են անվտանգության էլեմենտները։
Մրգավետ-Արևշատ 2.4կմ հատվածում իրականացվում են հողային աշխատանքներ, տեղադրվում են ջրահեռացման վաքերը, կառուցվում են մայթեր։
Տ-2-18, /Հ-8/ (Մրգավետ)-Մ-2 մարզային նշանակության ավտոճանապարհին էլ հիմնանորոգվում է 1.2կմ հատվածը։ Այստեղ նույնպես տեղադրվել է ասֆալտբետոնե ծածկ։ Այս ճանապարհը Մրգավետը կապում է Մ-2 միջպետական ճանապարհի հետ։
Հիմնանորոգվում է նաև Վեդի քաղաքով անցնող 3.9կմ երկարությամբ ճանապարհահատվածը։ Շինարարը կատարում է հողային պաստառի, մայթերի կառուցման և այլ աշխատանքներ։
Բոլոր շինտեղամասերում էլ կապալառու կազմակերպությունները ներկայացրել են աշխատանքների ընթացքը։ Վերջիններիս հանձնարարվել է խստիվ հետևել ժամկետներին ու աշխատանքների որակին։
Արարատի մարզպետի և համայնքապետերի հետ քննարկվել է նաև մարզում նորոգման կարիք ունեցող ճանապարհների հարցը։
Վերջին նորությունները
Հայտարարվել է Կապան-Ծավ մոտ 5.6կմ ճանապարհի միջին նորոգման մրցույթ
21-08-2026Հայտերն ընդունվում են մինչև սեպտեմբերի 1-ը՝ ժամը 11.00։
Կարդալ ավելինՀայտարարվել է ՏԿԵՆ-ՀԲՄԱՇՁԲ-2026/79Շ ծածկագրով մրցույթ
20-08-2026Հայտերն ընդունվում են մինչև օգոստոսի 28-ը՝ ժամը 16.00։
Կարդալ ավելինՀանձնարարվել է նշված երթուղիներով հեծանվորդների համար ապահովել անխոչընդոտ մրցավազք
20-08-2026Անդրադարձ է եղել ճանապարհների տեխնիկական վիճակին, հեծանվորդների համար ճանապարհային նշանների տեղակայմանը և այլն։
Կարդալ ավելին