Կայունացման և զարգացման եվրասիական հիմնադրամի փորձագետներ Անդրեյ Վասիլևը և Իրինա Յունը «Ճանապարհային դեպարտամենտ» հիմնադրամի աշխատակիցների համար անցկացրել են միջազգային պայմանագրերի կառավարման թեմայով դասընթաց, որի շրջանակում հիմնական շեշտադրումներն առնչվում էին FIDIC պայմանագրերի կառավարմանն ու գնման գործընթացներին։

Նշենք, որ Ճանապարհային դեպարտամենտն իրականացնում է խոշոր ենթակառուցվածքային ծրագրեր, և այդ ծրագրերը կյանքի կոչելիս կարևորվում է մասնագետների կարողությունների զարգացումը։ Այդ հարցում հիմնադրամին մշտապես աջակցում են նաև գործընկեր կազմակերպությունները՝ ներկայացնելով միջազգային փորձը, ծրագրերի կառավարման նրբությունները, նպաստելով եպարտամենտի աշխատակիցների հմտությունների կատարելագործմանը։