«Ճանապարհային դեպարտամենտ» հիմնադրամում այսօր տեղի է ունեցել գործակարգավարական խորհրդակցություն, որը վարել է գործադիր տնօրեն Արկադի Չերչինյանը: Մասնակցել են գործադիր տնօրենի տեղակալները, հիմնադրամի ստորաբաժանումների և ծրագրերի ղեկավարները:

Խորհրդակցության սկզբում Ճանապարհային դեպարտամենտի ղեկավարը ներկայացրել է ճանապարհների պահպանման աշխատանքների համակարգման բաժնի նորանշանակ պետին՝ Գերասիմ Մարտիրոսյանին՝ վերջինիս մաղթելով հաջողություններ պատասխանատու աշխատանքում։

Խորհրդակցության ընթացքում քննարկվել են ընթացիկ աշխատանքների մանրամասները, մասնավորապես, անդրադարձ է եղել ճանապարհաշինական ծրագրերին, ճանապարհների ձմեռային սպասարկման նախապատրաստական աշխատանքներին։ Քննարկվել են հրատապ լուծում պահանջող խնդիրները՝ նախանշելով դրանց լուծման ուղիները։

Գործադիր տնօրենի կողմից տրվել են համապատասխան հանձնարարականներ։