Քաջարանի թունելը հագեցած կլինի անհրաժեշտ ժամանակակից համակարգերով
29-06-2026
Հունիսի 27-ին «Ճանապարհային դեպարտամենտ» հիմնադրամի գործադիր տնօրեն Արկադի Չերչինյանը և իրանական կապալառու կազմակերպության ղեկավար Ալի Մուսավի Ռահիմին ստորագրել են Քաջարանի թունելի կառուցման պայմանագիրը։
7.2կմ երկարությամբ թունելը հագեցած կլինի անհրաժեշտ այնպիսի ժամանակակից համակարգերով, ինչպիսիք են՝
• Էլեկտրաէներգիայի մատակարարման և բաշխման ավտոմատ համակարգ
• Լուսավորության ավտոմատ համակարգ
• Տարհանման ազդանշանների և ճանապարհային լուսային նշիչների համակարգ
• Օդափոխման ավտոմատ համակարգ
• Տարհանման ելքի օդափոխության և պաշտպանության համակարգեր
• SOS կայանների համակարգ
• Տեսահսկման ավտոմատ համակարգ
• Ռադիոդիֆուզիոն համակարգ
• Հրդեհի հայտնաբերման ավտոմատ համակարգ
• Հրդեհաշիջման ավտոմատ համակարգ
• Կառավարման կենտրոն
Թունելի ներսում կառուցվելիք ճանապարհը կունենա երկու երթևեկելի գոտի և մայթեր՝ 10.6 մետր ընդհանուր լայնությամբ։ Բացի այդ, տրանսպորտային միջոցների արտակարգ կանգառներն ապահովելու նպատակով յուրաքանչյուր 250 մետրը մեկ նախատեսվում է թունելի երթևեկելի գոտու լրացուցիչ 3 մետր խորությամբ լայնացում։
Արտակարգ իրավիճակների դեպքում տարհանման նպատակով թունելի տակ կկառուցվի նաև ելք։
Ծրագրի շրջանակում կկառուցվեն նաև թունելին միացնող 4կմ երկարությամբ ճանապարհներ։
Վերջին նորությունները
Ստորագրվել է Քաջարանի թունելի կառուցման պայմանագիրը
27-06-2026Քաջարանի թունելի կառուցման ծրագիրն իրականացվելու է Կայունացման և զարգացման եվրասիական հիմնադրամի կողմից հատկացված 200 միլիոն ԱՄՆ դոլար վարկային միջոցներով և շուրջ 195 միլիոն ԱՄՆ դոլար Հայաստանի Հանրապետության համաֆինանսավորմամբ։
Կարդալ ավելինՀանրային իրազեկման հանդիպումներ՝ Թումանյանում և Ալավերդիում
25-06-2026Հանդիպման ընթացքում բնակիչները բարձրացրել են իրենց հուզող խնդիրները՝ ստանալով սպառիչ պատասխաններ։
Կարդալ ավելինՄիջին նորոգում՝ Մ-4-ի վրա
25-06-2026Երթևեկությանը պատճառելիք անհարմարություններից խուսափելու համար շինարարությունը կատարվում է երեկոյան և գիշերային ժամերին։
Կարդալ ավելին